 |
Centru Asturianu de Barcelona :: HISTORIA |  |
|
Cuadonga dende Barcelona
 El Centru Asturianu de la capital catalana, una entidá con puxu enforma, tien quinientos socios y escelente finca, cellebró'l Día d' Asturies con fabada, sidra, gaiteru y señaldá. El Centru Asturianu de Barcelona ta allugáu al pie del Tibidabo, nuna finca d'una hectárea d'estensión, cuenta con dos canches deportives, una piscina y otres instalaciones recreatives pal esfrute de los 500 socios que tien la entidá, como l'horru y la so rodalada, así como un calcu de la cueva la Santina onde cellebren misa. Ye quiciás la sé rexonal más emportante de Barcelona. Ta na cai, cómo non, Naranjo de Bulnes. Pa la fiesta de Cuadonga, el Centru vive tolos años los sos meyores díes. La direutiva que preside Enrique Delgado, orixinariu de Trubia, esmérase. Un grupu de trubiecos ye'l qu'agora lleva'l pesu de la institución. Tamién cuntan abondo otros garrapiellos, como'l de los alleranos. La fiesta tuvo presidida por Roberto Pérez, vicepresidente del Conseyu de Comunidaes Asturianes y alcalde de Balmonte de Miranda, que foi hasta Barcelona p'acompangar a los asturianos tresterraos nuna fecha enforma especial. Nel centru alítase asturianía. Y más en díes de fiesta. Banderes, símbolos, fotos, sidra, quesu cabrales -donao pol alcalde cabraliegu, Antonio Prieto- y hasta anuncios de Cajastur, qu'afitó'l festeyu. Pa que ná faltare, un gaiteru, Óscar Fernández, ganador del troféu "Macallan" en Bretaña; un cantante, José Manuel Robledo, "Lolo" campeón de tonada na reciente amuesa "Ciudá d'Uviéu", y el periodista de LA NUEVA ESPAÑA Javier Neira, que recordó les rellaciones ente Asturies y Cataluña, cada vez más intenses y granibles ya fizo votos pa que vaigan a más. La fiesta duró dos díes. Ente los más activos, los direutivos Gonzalo Suárez, Jesús Delgado y Alberto Domínguez Palicio. Ente los homenaxeaos, los más veteranos, como Arturo Pinín, consumáu monologuista. La xinta d'hermandá con fabada asturiana de verdá,
llevada del Fontán. La misa, na cueva que susaña la
de Cuadonga. La procesión, cola Santiana. La xana llámase
Marina Franco. 
 Artículu orixinal publicáu en La Nueva España 'l Domingu 19 de Septiembre de 2004 |