UN AFALAGU A LOS NUESOS PRESIDENTES


El Centru Asturianu de Barcelona ta presidíu dende marzu de 2004 por Enrique Delgado Gutiérrez, de Trubia, inxenieru Industrial.

Tres presidentes más pasaron pol Centru hasta esa fecha: Jaime Sánchez
Casanueva (1952-1960, añu en que falleció), médicu, de Sietes, Villaviciosa. Celso Maquinay González (1960-1970), industrial, de Santa Cruz de Mieres. Gregorio López Montoto (1970-2004), abogáu, de Mieres.

Del primeru hai que destacar el so entusiasmu y enfotu pa sacar el Centru alantre nuna dómina perdifícil. Del segundu, la sapencia d'arredolase d'un equipu que supo dotar al Centru de la cadarma necesaria pal so dignu sostenimientu. Y del terceru -que tamién foi más de dos décades presidente de la Federación de Cases Rexonales y Culturales de Cataluña-, el so bultable y meritoriu puxu por asitiar al Centru Asturianu de Barcelona na avanzadiella de les Cases y Centros de la so triba, llogrando, al xugar con aceñu y eficacia les cartes que les normes y disposiciones llegales foron repartiendo -y derrompiendo non pocos pilancos foriatos-, un emportante padremoñu pol que munches d'aquelles Cases sopelexaron que almiraben, y del que tolos socios del Centru tán esfrutando.