LOS ÑICIOS


El resclavu d'esti Centru Asturianu -qu'entamó la so andadura col nome de "Hogar Asturiano"- hai que guetalu n'otru anterior, nomáu "Centro Asturiano De Cataluña", que se fundó en mayu de 1930 y desapaeció en 1939, tres la entrada de les tropes del xeneral Franco en Barcelona. Dellos de los sos socios supérstites enxertáronse cola fundación d'ésti.

Sicasí, l'actual Centru Asturianu de Barcelona afitóse oficialmente'l 12 de xunetu de 1952 , fecha na que, una vez aprobaos los sos Estatutos pola autoridá competente, s'aconceyóse Asamblea Xeneral constituyente convocada a xeitu colos mesmos y escoyóse la primera Xunta Direutiva; podemos sofitar que'l braeru arrinque data del 14 de payares de 1951, en que se cellebró'l conceyu d'un ensame d'asturianos na güei desapaecida Sala Mozart, na cai Canuda 31, per aciu d'una convocatoria fecha pola Comisión Organizadora al través de prensa y radio. Pa entós, dicha Comisión Organizadora yá tenía apallabrao nel Paseo de Gracia númberu 78 el local destináu a la sé social de la nueva asociación, onde ésta afincó hasta l'añu 2002.